دنياي خلتني على الارض طواف
مشيت فيها المخطيه والشريفه
مشيت فيها سكت الناس الاشراف
وايظا دروب اهل العقول الخفيفه
مشيت فيها النون واللام والكاف
وبعض الحروف الغامضات المخيفه
يقولها اللي من الدهر شاف ماعاف
شاف النكايد عقب فرقا وليفه
المملكه له باول الوقت مصياف
واليوم في وسط المعيذر مصيفه
من اول كان يتفيا با الارياف
الراس رايق والملابس نظيفه
واليوم يسحب غترته مثل خطاف
الريق ناشف والعزايم ضعيفه
