عندما يكون المـــــــــــــــزاج من ضمن الطقوس ! !

كل شيئ .. دايم في وقته .. ليه ؟ !
كل شي .. حنا نحبه
صعب نستعجل عليه ، !
طيب .. ليه ؟ !
يا ترى انتظار الشيئ ..
هو سفرٍ اليه ؟ *

ننتظر شهرّ وشهرين وثلاثة وممكن سنوات من عمرنا تضيع ..
بأنتظار هدف أو قناعة معينة أو موقف يحصل لنا ،
وأول ماتتوفر لنا الفرصة المناسبة نحاول نأخره شوي وممكن كثير ..
" طيب ليه ؟ "
نتلذذ بالتأخير ؟ أو بأنتظار الشـئ لمجرد الأنتظار ؟

-

كل شي دايم في وقته
عجيب .. !
وكل شي حنا نحبه ، كثرّ ما يظهر " يغيب " !
يـا ترى ..
منهو البعيد .. منهو القريب ؟ *

صدفة تصنع لحظات حلوة وصدفة نتمنى بيوم نمحيها من دفتر أيامنا ..
ليه كل الأشخاص الي نتمنى نخلق الصدفه بيننا وبينهم ماتصير !
ليه نتخيل صدفتنـا للي نحبهم ومع ذلك ماتصير ..
ليه نرتب اللقاء بمخيلتنا ووش بنحكي لهم وكيف بنتصرف معهم في حال
كانت الحياة كريمة معنـا " وصادفناهم " ..
ومع ذلك نرتبك وننسى كل المخطط له : (
حتى لو تمت " صدفتنـا " ,

وليه الي مانبيهم 24 ساعه نصادفهم ؟ ..

-

لبسمتك ترخص غوالي سنيني
.. جرحي يهون وجاير الشوق يزداد ! *

في عالمنا الحقيقي وفي عالمنا النتّي ..
نصادف كثير من المّـلأ " عقليات | ثقافات | بيئة | مجتمع | طبقات " غير ،
ومع ذلك تتجانس أرواحنا ونحس بألفة معاهم
نرتاح لهم ويرتاحون لنـا وتنزرع محبة وغلا بقلبين ,
و ع قولة المصارية يصير بينّـا عيش وملح ومواقف وذكريات كثير
نعيش معهم لحظات ضعفهم وجدّهم وفرحهم وحتى عصبيتهم ..
نتبادل خبراتنا ونقاشنا وحتى أغانينا وأفلامنا المفضلة ,

عادة أفكّـر سبحان من خلق الانسان بشكل أجتماعي ..
لو نفكر بنطاق واسع شوي وعملنا مقارنات بين صداقاتنا ,
بتطلع المحصلة النهائية هذا يحب وهذا يكره وهذا يتحسس من الشئ الفلاني ,
سبحان من جمعهم !
وسبحـان من خلقهم يتألفون ع بعض ..

هل أحنا مضطرين " فطرياً " ع أختلاف الأشخاص وصداقاتهم ؟
كيف علاقاتكم حالياً ؟

- مساحة الحكي فيها يطول تركتها بيضا لكم

-

ذكرى وجهي اللي فات .. وجهي الباقي !
اللي في أعماقي .. وجهٍ عرفته غير ،
آه .. يا وجه المرايا !
إنتي أنا .. وأحدٍ سوايا ؟ !*

الأقنعة -
كثير من الناس تجيد لبس الأقنعة وأصبحت مهنة لهم ،
أقنعة كلها زيف وخداع ومثاليه غير صائبة ..
قد تنتهى المسرحية وتسقط الاقنعة
وقد تستسمر فصول الحكايا لـ " لانهاية " !

مواقفكم مع من أمتهن لبس الاقنعة ؟

-

في الرصيف الثاني قهوه ..
فيها اربع طاولات !
وحده أجلس فيها وحدي ،
وحده للي بيجي بعدي ..
وحده لأغلى حرف عندي
أما آخر وحده دايم للي فات .. ! *

- طقوس مزاجيّ


راقت لي